О нас
Академия Педагогов и Психологов РК – переподготовка педагогов по образовательной программе в РК. Повышение квалификации и образовательные курсы для ДОУ.
Контакты
Адрес
- Казахстан, г. Астана, Сыганак 54А, офис 1305
“Развитие физических качеств и оптимизация функциональныхвозможностей организма у обучающихся через дисциплину физическаякультура: 5 комментариев
Бағдарламаның практикалық маңыздылығы оның мектеп жүйесіндегі педагогтардың жұмыс сапасын тікелей жақсартуға бағытталғандығында. Бағдарлама мұғалімдерге оқушылардың физикалық тәрбиелеу процесінде инновациялық әдістер мен
технологияларды тиімді қолдануға қажетті білім мен дағдыларды береді.Курсты аяқтағаннан кейін мұғалімдер оқу процесінде оқушылардың жеке ерекшеліктерін ескеріп, оқытуға тиімді және икемді тәсілдерді қолдана алады,
бұл физикалық қасиеттерді дамыту мен оқушылардың функционалдық мүмкіндіктерін оңтайландыруға жоғары нәтижелер береді.
«Дене шынықтыру пәні арқылы оқушылардың физикалық қасиеттерін дамыту және организмнің функционалдық мүмкіндіктерін оңтайландыру»
Бұл курс мен үшін дене шынықтыру пәнінің маңызын тереңірек түсінуге мүмкіндік берді. Мұғалім ретінде осы пән тек қимыл-қозғалыс жаттығулары емес, оқушылардың денсаулығын нығайтудың, өмірлік маңызы бар дағдыларын қалыптастырудың негізгі құралы екенін нақты ұғындым.
Курс барысында келесі маңызды түсініктер мен дағдыларды меңгердім:
Әрбір жаттығу мен сабақтың нақты физиологиялық мақсаты болуы керектігін;
Жас ерекшеліктеріне сай дене жүктемелерін дұрыс жоспарлау жолдарын;
Қозғалыс белсенділігі арқылы жүрек-қан тамыр, тыныс алу, тірек-қимыл жүйелерінің қызметін жақсарту әдістерін;
Оқушылардың физикалық сапаларын (жылдамдық, төзімділік, икемділік, күш, ептілік) кешенді дамыту жолдарын;
Қауіпсіздік ережелері мен жарақаттың алдын алу шараларының маңыздылығын.
«Дене шынықтыру» пәні арқылы салауатты өмір салтын қалыптастыру мен жан-жақты дамуға үлкен үлес қосады. Білім беру ортасындағы дене шынықтыру оқушыларда , ұқыптылық және жеке даму ұмтылыстарын қалыптастыруға да ықпал етеді. Сондықтан , оқу үдерісіне дене белсенділігін енгізу оқушылардың тек физикалық ғана емес, сонымен қатар психоэмоционалдық дамуына да ықпал етеді.
«Дене шынықтыру пәні арқылы оқушылардың физикалық қасиеттерін дамыту және организмнің функционалдық мүмкіндіктерін оңтайландыру» курсы өте мазмұнды әрі пайдалы болады. Курста оқушылардың дене дамуын кешенді түрде жетілдіруге бағытталған заманауи тәсілдер мен әдістемелер ұсынылды.
Теориялық бөлімдер нақты, ғылыми негізделген ақпараттарға сүйене отырып құрылып, практикалық жаттығулармен ұштастырылды. Әсіресе, оқушылардың жас ерекшеліктерін ескере отырып, олардың қозғалыс белсенділігін тиімді арттыру жолдары мен қауіпсіздік ережелері кеңінен талқыланғаны ұнады.
Сонымен қатар, оқушылардың денсаулығын нығайту және жалпы функционалдық мүмкіндіктерін жақсарту бағытында жұмыс істеу маңыздылығын терең түсіндірілді.
Курс дене шынықтыру сабағында әр оқушының жеке мүмкіндіктеріне сай жұмыс істеудің, ынталандыру мен мотивацияны арттырудың әдіс-тәсілдеріне де ерекше назар аударды. Бұл менің жұмысымды оқушыға бағытталған, нәтижеге қол жеткізетін деңгейге көтеруге көмектесті.
Қорытындылай келе, бұл курс кәсіби құзыреттілігімді арттырумен қатар, дене шынықтыру пәнінің тәрбиелік, дамытушылық және сауықтыру рөлін жан-жақты қайта бағалауыма себеп болды. Алдағы уақытта оқушылардың физикалық дамуына ғылыми негізделген, жүйелі тәсілмен қарауға бар күшімді саламын.